Ամփոփվել են «Ստեղծի՛ր քո կրեատիվ բովանդակությունը և շահի՛ր նվերներ» մրցույթի արդյունքները
- 23:20 26.12.2025
Արցախյան մշակույթի պահպանման կենտրոն հասարակական կազմակերպությունում ամփոփվել են «Ստեղծի՛ր քո կրեատիվ բովանդակությունը և շահի՛ր նվերներ» մրցույթի արդյունքները:
ՙՙՍիրելի՛ հետևորդներ,
ուրախությամբ հայտնում ենք, որ «Ստեղծի՛ր քո կրեատիվ բովանդակությունը և շահի՛ր նվերներ» մրցույթի արդյունքներն արդեն ամփոփված են։
Մեր կողմից դիտարկվել են այս ընթացքում համացանցում տեղ գտած կրեատիվ նյութերը, որոնք նպատակ են ունեցել հանրությանը հաղորդակից դարձնել «Մենք կանք» միջոցառմանը։
Ինչպես խոստացել էինք, առավել մեծ տարածում գտած նյութերի հեղինակները ճանաչվել են հաղթողներ։
Արտակ Մկրտչյանը
Անուշ Բաբաջանյանը
Հաղթողները կստանան՝
3 հրավիրատոմս, որոնցից յուրաքանչյուրը ներառում է 2 տոմս «ՄԵՆՔ ԿԱՆՔ» կրթամշակութային մեծ միջոցառման համար,
Շմավոն Շմավոնյանի «Արարատ» պատկերագիրքը,
ինչպես նաև մի շարք անակնկալ նվերներ հենց միջոցառման օրը։
Տեղեկացնում ենք նաև, որ Անուշ Բաբաջանյանի համար նախատեսված նվերը կուղարկվի Տաշիր քաղաք։
Շնորհակալություն ենք հայտնում բոլորին՝ ակտիվության, ստեղծարար մոտեցման և միջոցառման շուրջ իրազեկում ապահովելու համար”, նշում են մրցույթի կազմակերպիչները:
Հիշեցնենք, որ դեկտեմբերի սկզբին ՙՙԱրցախյան մշակույթի պահպանման կենտրոն՚՚ ՀԿ -ն հայտարարել էր «Ստեղծի՛ր քո կրեատիվ բովանդակությունը և շահի՛ր նվերներ» մրցույթի մեկնարկի մասին: Ըստ պայմանների, մրցույթի մասնակիցերը պետք է ստեղծեին ցանկացած ձևաչափով կրեատիվ բովանդակություն և բովանդակության մեջ ներկայացնեին երկու հիմնական հարցերի պատասխանները․ Ինչո՞ւ է կարևոր պահպանել արցախյան մշակույթը. Ինչո՞ւ պետք է մարդիկ ներկա լինեն «Մենք կանք» միջոցառմանը, որի մասին օրեր առաջ գրել է Մարիամ Սարգսյանը: