Փաշինյանը իր կողմնակիցներին կոչ է անում սադրանքներ իրականացնել տարբեր եկեղեցիներում
- 11:41 27.12.2025
Դեկտեմբերի 28-ին, այսինքն՝ վաղը, Գառնիի Սուրբ Աստվածածին եկեղեցում կմասնակցեմ Սուրբ և անմահ պատարագի։ Այս մասին հայտնել է Նիկոլ Փաշինյանըիր ֆեյսբուքան էջում:
«Այստեղ էլ իմ ակնկալիքն այն է, որ Կտրիճ Ներսիսյանի անունը չհնչի պատարագի ժամանակ՝ նախկինում բերված հիմնավորումներով և պատճառներով։
Ի դեպ, կան մարդիկ, ովքեր ասում են, որ իրենք տարբեր եկեղեցիներում, երբ որ պատարագի են մասնակցում և հնչում է Կտրիճ Ներսիսյանի անունը, ցանկություն ունեն իրենց բողոքն արտահայտել հենց այդ պահին։ Արդյո՞ք նման բան կարելի է և թույլատրելի է։ Ես կարծում եմ, որ այո, նման բան կարելի է և թույլատրելի է, որովհետև դա լեգիտիմ ակնկալիք է, որ այն մարդիկ, ովքեր իրենց հայտարարագրել են որպես վեհ և որպես որոշակի կանոններով ապրող մարդիկ, և չեն կատարել դա, չեն կատարում դա և չեն էլ պատրաստվում առերեսվել այս փաստի հետ։
Մենք՝ Հայաստանյայց Առաքելական Սուրբ եկեղեցու հետևորդներս, պետք է ոչ միայն վերաբերմունք ձևավորենք այդ փաստի առիթով, այլև պետք է արտահայտենք այդ վերաբերմունքը և, ի վերջո, այդ վերաբերմունքից բխող գործնական արդյունքների հասնենք»,-նշել է նա։
Այսպիսով, Փաշինյանը կոչ է անում իր կողմնակիցներին մասնակցել եկեղեցական արարողություններին՝ իրենց «բողոքը» արտահայտելով, խախտելով եկեղեցական կանոնները և անհանգստացնելով այն հավատացյալներին, ովքեր չեն առարկում Գարեգին Բ կաթողիկոսի անվան արտասանությանը աղոթքի ժամանակ։
Լուսանկարը՝ արխիվից