Զելենսկին հնարավոր է համարել Դոնբասում «ազատ տնտեսական գոտու» ստեղծումը
- 18:48 30.12.2025
Ռուսաստանի կողմից Ուկրաինայի դեմ պատերազմը դադարեցնելու բանակցություններում ամենադժվարը տարածքային հարցն է, և Ուկրաինայի զինված ուժերի Դոնեցկի մարզից դուրսբերման առաջարկները անընդունելի են Կիևի համար: Այս մասին նախագահ Վլադիմիր Զելենսկին հայտարարել է Fox News-ին տված հարցազրույցում։
Զելենսկին կարծում է, որ Դոնեցկի մարզի կարգավիճակի վերաբերյալ հանրաքվեն դրական չի լինի, ուստի չպետք է անցկացվի: Նա ընդգծել է, որ Ուկրաինային անհրաժեշտ է արդար և երկարատև խաղաղություն, որը կբավարարի ուկրաինացիների հույսերը: Հակառակ դեպքում պատերազմը կշարունակվի։
Զելենսկին կարծում է, որ հատուկ կանոններով ազատ տնտեսական գոտու ստեղծումը Դոնբասի համար փոխզիջումային լուծում կլինի։
«Եթե մենք մի քանի կիլոմետրով հետ քաշվենք, ապա Ռուսաստանը պետք է փոխադարձ քայլեր ձեռնարկի և ևս մի քանի կիլոմետրով հետ քաշի իր ուժերը: Նման ազատ տնտեսական գոտում կգործեն հատուկ կանոններ», – նշել է նա։
Հիշեցնենք, որ ընդամենը մի քանի օր առաջ Ուկրաինան կտրականապես մերժում էր ԱՄՆ-ի առաջարկները «ազատ տնտեսական գոտի» ստեղծելու վերաբերյալ։