Թրամփն ասաց, որ ԱՄՆ-ն դուրս է հանել Մադուրոյին երկրից. ի՞նչ կանի Ռուսաստանը։

ԱՄՆ նախագահ Դոնալդ Թրամփը հայտարարել է, որ Վենեսուելայի նախագահ Նիկոլաս Մադուրոն և նրա կինը ձերբակալվել և դուրս են հանվել երկրից՝ ԱՄՆ-ի գլխավորած գործողության շրջանակներում: Վենեսուելայի իշխանությունները դեռևս չեն մեկնաբանել այս տեղեկատվությունը։

«Ամերիկայի Միացյալ Նահանգները հաջողությամբ իրականացրել է լայնածավալ հարված Վենեսուելայի և նրա առաջնորդ՝ նախագահ Նիկոլաս Մադուրոյի դեմ, որը կնոջ հետ միասին գերի է վերցվել և դուրս հանվել երկրից», – գրել է Թրամփը։

Ռուսաստանը դատապարտում է ԱՄՆ-ի ռազմական ագրեսիան Վենեսուելայի դեմ, ասվում է ՌԴ Արտաքին գործերի նախարարության հայտարարության մեջ։

«Նման գործողությունները արդարացնելու համար օգտագործվող պատրվակները անհիմն են: Գաղափարախոսական թշնամանքը գերակշռել է գործնական պրագմատիզմին և վստահության ու կանխատեսելիության վրա հիմնված հարաբերություններ կառուցելու պատրաստակամությանը», – ասվում է Արտաքին գործերի նախարարության հայտարարության մեջ։

Միևնույն ժամանակ, Ռուսաստանը չի հայտարարել Վենեսուելայում Մադուրոյի ռեժիմին աջակցելու որևէ քայլի մասին, չնայած Մոսկվան նախկինում համարվում էր Կարակասի ամենահուսալի դաշնակիցը։

Ի տարբերություն Կուբայական հրթիռային ճգնաժամին, այս անգամ Մոսկվան իր միջուկային եռյակը չի տեղակայել ԱՄՆ Կարիբյան ավազանում: Ավելին, կա կասկած, որ Թրամփի Վենեսուելական գործողությունը համակարգվել է Պուտինի հետ։