Մինչ օրս Ալիևը չի կարողացել իրավականորեն ձևակերպել Արցախի օկուպացիան

• Ելնելով ժողովրդի ինքնորոշման անկապտելի իրավունքից, հենվելով Լեռնային Ղարաբաղի Հանրապետության ժողովրդի ազատ կամքի վրա, որն արտահայտվել է 1991 թվականի դեկտեմբերի 10-ին կայացած հանրապետական հանրաքվեի արդյունքներում,

• գիտակցելով պատմական հայրենիքի ճակատագրի հանդեպ տածվող պատասխանատվությունը,

• հավատարմություն հայտնելով այն սկզբունքներին, որ բովանդակում է 1991 թվականի սեպտեմբերի 2-ին Լեռնային Ղարաբաղը Հանրապետություն հայտարարելու մասին Հռչակագիրը,

• ձգտելով կարգավորել հայ և ադրբեջանական ժողովրդների հարաբերությունները,

• կամենալով Լեռնային Ղարաբաղի Հանրապետության բնակչությանը պաշտպանել դրսի հարձակումներից և ֆիզիկական ոչնչացումից,

• զարգացնելով Լեռնային Ղարաբաղի 1918-1920 թվականների անկախ, ժողովրդական ինքնակառավարման փորձը,

• արտահայտելով բոլոր պետությունների և պետությունների ընկերակցությունների հետ իրավահավասար և փոխշահավետ հարաբերություններ հաստատելու պատրաստակամություն,

• հետևելով մարդու իրավունքների Համընդհանուր հռչակագրի, տնտեսական, սոցիալական և մշակութային իրավունքների միջազգային դաշնագրի անվտանգության ու համագործակցության համաեվրոպական խորհրդակցության անդամ երկրների Վիեննայի հանդիպմանը կնքած եզրափակիչ փաստաթղթերի և միջազգային իրավունքի համընդհանուր ճանաչման արժանացած մյուս նորմերի սկզբունքներին և հարգելով դրանք,

Արցախի Հանրապետության Գերագույն խորհուրդը հաստատել է Լեռնային Ղարաբաղի Հանրապետության անկախ հռչակված պետականությունը: