Փաշինյանի շփոթված ելույթը. Խաղաղություն, Հիսուս, Գարեգին աղանդավոր և անորոշ հաջորդ քայլ
- 18:25 06.01.2026
Երկու օր անց այն օրվանից, երբ 10 եպիսկոպոսներ և Նիկոլ Փաշինյանը ստորագրեցին «Հայ Առաքելական եկեղեցու բարեփոխումների համակարգող խորհուրդ» ստեղծելու մասին փաստաթուղթը, Երևանում տեղի ունեցավ «ուխտերթ», որին ստիպեցին մասնակցել ամբողջ իշխող «էլիտային»։ Երթը ավարտվեց Սուրբ Աննա եկեղեցու մոտ, որը գտնվում է Ամենայն հայոց կաթողիկոսի երևանյան նստավայրին հարակից տարածքում։
Հակառակ սպասումների, երթն ավարտվեց խաղաղ՝ առանց նստավայրի «գրավման» կամ կաթողիկոսի կողմնակիցների հետ բախումների։
Ինչո՞ւ է արվել «ուղտերթը»։ Ու՞մ էր Փաշինյանը ցանկանում ապացուցել, որ ամեն ինչ անում է Հայ Առաքելական եկեղեցին չեզոքացնելու համար։
Փաշինյանի չափազանց շփոթված ելույթը կաթողիկոսի երևանյան նստավայրի մոտ չպատասխանեց նրա նպատակներիմասին հարցերին, նա խոսում էր կարծես միայն «հատուկ մարդկանց» հասկանալի լեզվով։
Փաշինյանն ասաց, որ իր կառավարությունն է, Հիսուսի պատվիրանին հետևելով, խաղաղություն բերել հայկական հողին։ Նա նաև նշեց, որ որոշակի ուժեր օգտագործում են Հայ Առաքելական Եկեղեցու ղեկավարությունը՝ հայկական պետության դեմ աշխատելու համար։ Փաշինյանն եկեղեցու ղեկավարությանը անվանեց աղանդավորներ, որոնցից պետք է ազատվել և օրինական կաթողիկոս ընտրվի համաժողովրդական քվեարկությամբ։
Այս բառերի խառնաշփոթից պարզ է միայն, որ Հայ Առաքելական Եկեղեցու ղեկավարությունը ինչ-որ կերպ խոչընդոտում է հաստատված խաղաղությունը՝ կատարելով որոշակի ուժերի կամքը։ Փաշինյանը սակայն չմանրամասնեց, թե ինչպես է «աղանդավոր» Գարեգին Բ-ը խոչընդոտում խաղաղությանը և ում հրամաններով։
Փաշինյանը նաև չնշեց, թե ինչպես կարող է Եկեղեցու կանոնադրության փոփոխությունը և նոր կաթողիկոսի ընտրությունը լուծել այս խնդիրները։