Եթե նավթի գինը իջնի մինչև 50 դոլար, կտուժի ոչ միայն Մոսկվան
- 16:39 08.01.2026
Միացյալ Նահանգները պատրաստվում է խոշորածավալ նավթային գործողության, որը կարող է լուրջ ազդեցություն ունենալ Ռուսաստանի բյուջեի վրա: Դոնալդ Թրամփը մտադիր է նավթի գինը իջեցնել մինչև 50 դոլար մեկ բարելի դիմաց՝ օգտագործելով վենեսուելական նավթի նկատմամբ իր վերահսկողությունը, հաղորդում է The Wall Street Journal-ը՝ հղում անելով Սպիտակ տան քննարկումներին ծանոթ աղբյուրներին։
Ռուսաստանի համար սա ուղղակի հարված է նրա եկամուտներին և պատերազմը ֆինանսավորելու կարողությանը: Հաշվի առնելով զեղչերն ու ծախսերը՝ ռուսական նավթի գները կարող են իջնել նույնիսկ 30 դոլարից ցածր մեկ բարելի համար։
Սակայն նավթ մատակարարող այլ երկրներ նույնպես զգում են նավթի գների անկման ազդեցությունը: Բաքվի փորձագետներն արդեն իսկ հայտնում են Կասպից ծովում նավթի արդյունահանման և նավթից ստացված եկամուտների զգալի անկման մասին։
Իրանը, որտեղ նավթի արդյունահանման ինքնարժեքն համեմատաբար ցածր է, կարող է ավելի քիչ տուժել. ըստ լուրերի, Չինաստանը պատրաստ է վենեսուելական նավթը փոխարինել իրանականով։