Ներկայացում Գյումրիում՝ արցախյան քաղցրածոր բարբառով

Օրերս Գյումրու Հայորդաց տանը տոնական բարձր տրամադրություն էր տիրում։ Արցախցի բալիկների համար Ամանորյա գեղեցիկ միջոցառում էր կազմակերպվել։ Երեխաները եկել էին նվերներ ստանալու և, որ ամենահաճելին էր, Արցախյան բարբառով տիկնիկային ներկայացում դիտելու։ Փոքրիկներն ու նրանց ծնողները մեծ բավականություն ստացան հարազատ բարբառով <<Մարալն ու հայրիկն Արցախում>> հեքիաթի դիտումից։ Այն մի իրական, արցախցիների համար հոգեհարազատ պատմություն էր, որը դարձել էր հետաքրքիր հեքիաթ։

Հեքիաթի հեղինակը հայրենադարձ Մարինե Շարշաֆճյանն է, ով ընտանիքի հետ տեղափոխվել ու ապրում էր Արցախում։ Նա իր գրքի վաճառքի ամբողջ հասույթն ուղղել է արցախցի երեխաների համար նվերներ գնելուն և նրանց հաճելի պահեր պարգևելուն։

Կարինե Բախշիյան