ԱՄՆ-ը կոչ է անում իր քաղաքացիներին լքել Իրանը Հայաստանի կամ Թուրքիայի միջոցով
- 09:52 13.01.2026
ԱՄՆ նախագահ Դոնալդ Թրամփը Truth Social-ում հայտարարել է, որ 25% մաքսատուրք է սահմանում Իրանի հետ բիզնեսով զբաղվող երկրների համար։ Որոշումն ուժի մեջ է մտնում անմիջապես և վերաբերում է Թեհրանի հետ բիզնեսով զբաղվող բոլոր երկրներին, գրել է նա։
Bloomberg-ի տվյալներով՝ Իսլամական Հանրապետության հիմնական առևտրային գործընկերներն են Հնդկաստանը, Թուրքիան և Չինաստանը։ Դեռևս տեղեկություններ չկան այն մասին, թե արդյոք մաքսատուրքերը կկիրառվեն նաև Հայաստանի հանդեպ։
Սպիտակ տան մամուլի քարտուղար Քերոլայն Լևիթը մինչդեռ հայտարարել է, որ Թրամփը քննարկում է Իրանի դեմ ցանկացած գործողություն, այդ թվում՝ ավիահարվածներ՝ բողոքի ցույցերի կոշտ ճնշման պատճառով, բայց դիվանագիտությունը համարում է իր «առաջին տարբերակը»։
ԱՄՆ Պետդեպարտամենտը կոչ է արել ամերիկացի քաղաքացիներին անհապաղ լքել Իրանը՝ խորհուրդ տալով նրանց ցամաքային ճանապարհով դուրս գալ Հայաստանով կամ Թուրքիայով, ըստ Պետդեպի կայքում հրապարակված արտակարգ հայտարարության։
Անհասկանալի է, թե ինչու Ադրբեջանը չկա այս ցուցակում։