Եղանակային պայմանների և ճանապարհները վիճակի մասին

Հիդրոօդերևութաբանության և մոնիթորինգի կենտրոնի տվյալներով՝ Հայաստանի ողջ տարածքում կանխատեսվում է օդի ջերմաստիճանի կտրուկ անկում։

Շրջանների մեծ մասում սպասվում են ձյուն, ձնաբք և ցածր հորիզոնական տեսանելիություն։ Հունվարի 16-ից սկսած եղանակը կլինի չորային, հունվարի 15-ից 16-ը ջերմաստիճանը կնվազի 6-9 աստիճանով։

Հունվարի 15-ին ջերմաստիճանը կլինի՝ Շիրակում՝ -10°C, Կոտայքում՝ -4°C, Գեղարքունիքում՝ -9°C, Լոռիում և Արագածոտնում 0°C, Տավուշում՝ +4°C, Արարատում՝ +4°C, Արմավիրում՝ +3°C, իսկ Վայոց Ձորում և Սյունիքում՝ +2°C։

Հունվարի 15-ին տեղումներ են սպասվում նաև Երևանում, իսկ մայրաքաղաքում ջերմաստիճանը կհասնի +2°C-ի։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:

Ջերմուկի խաչմերուկից մինչև Սիսիան, Նորավանի խաչմերուկից մինչև Կապան և Տաթև-Լծեն ավտոճանապարհները փակ են կցորդով տրանսպորտային միջոցների համար։

Վարդենյաց լեռնանցքը փակ է կցորդով տրանսպորտային միջոցների համար և դժվարանցանելի՝ մյուս տեսակի տրանսպորտային միջոցների համար։

Սպիտակի ոլորանները, Սպիտակ-Գյումրի և Դիլիջան-Վանաձոր ավտոճանապարհները դժվարանցանելի են կցորդով տրանսպորտային միջոցների համար։

Ապարանի, Արագածի, Սևանի, Ճամբարակի, Մարտունիի, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի, Ամասիայի տարածաշրջանների ավտոճանապարհներին տեղ-տեղ առկա է մերկասառույց։

Սյունիքի, Վայոց ձորի մարզերում և Սարավան-«Զանգեր» կոչվող հատվածում տեղում է ձյուն։

Գորիսի և Վայքի տարածաշրջանների ավտոճանապարհներին մառախուղ է։