Փաշինյան․ պատրաստ ենք պատասխանել Իրանի բոլոր հարցերին
- 22:33 15.01.2026
«Իրանի Իսլամական հայնարպետությոնից հնչող հայտարարությունների նկատմամբ մենք շատ ուշադիր ենք։ Մենք ամեն ինչ արել ենք եւ կշարունակենք անել ԻԻՀ՝ մեզ համար բարեկամական եւ եղբայրական երկրի բոլոր մտահոգությունները փարատելու ուղղությամբ»,- այսօր հրավիրած ասուլիսում ասաց Նիկոլ Փաշինյանը՝ անդրադառնալով Իրանում ՀՀ արտակարգ եւ լիազոր դեսպան Խալիլ Շիրգոլամիի հայտարարությանը, թե Թեհրանում ձեւավորվում է մի պատկերացում, որ Հայաստանը դառնում է կենտրոն՝ Իրանի դեմ թշնամաբար տրամադրված ուժերի գործողությունների համար։
Իրանի դեսպանը ՀՀ իշխանություներին մեղադրել էր ՀՀ-ում Իրանի դեսապանատան մոտ տեղի ունեցող ցույցերը չճնշելու համար։ Ի պատասխան՝ Փաշինյանն ասաց, որ 2018-ից ի վեր Հայաստանում երբեք որեւէ հանրահավաք չի արգելվել։ «Եվ մենք չենք կարող առանձին վերցված մի դեպքում այլ կերպ վարվել, այլ հարց, որ մենք, այո կիսում ենք, որ արտահայտման ձեւերը չպետք է խաթարեն ոչ Իրանի Իսլամական հանրապետության, ոչ որեւէ այլ դեսպանատան աշխատանք։ Եվ մենք ուշադիր կհետեւենք մտահոգություններին՝ կապված այդ իրավիճակի հետ եւ բոլոր միջոցները կձեռնարկենք, որպեսզի բարեկամական եւ եղբայրական ԻԻՀ դեսպանատան գործունեության հետ կապված որեւէ խնդիր չառաջանա»,- նշեց Փաշինյանը։ Նա հավելեց՝ իսկ այն մարդիկ, ովքեր օրենքի գիծը կանցնեն, նրանց նկատմամբ կհարուցվեն համապատասխան վարույթներ։ Նա նշեց, որ մի քանի դեպքերով արդեն վարչական վարույթներ են հարուցվել։
Ինչ վերաբերում է «ԹՐԻՓՓ» նախագծի վերաբերյալ Իրանի դեսպանի նչեցրած մտահոգություններին՝ Նիկոլ Փաշինյանն ասաց․ «Ես կարծում եմ, որ մենք բոլոր հարցերի պատասխանները տվել ենք, հանգամանալից քննարկում ենք ունեցել իրականական կողմի հետ։ Բայց մենք նաեւ ասել ենք, որ հետագայում հարցեր ծագելու դեպքում պատրաստ ենք բոլոր հարցերին եւս պատասխանել»։