Հայաստանը չի տվել գնահատական Բաքվում հայության ցեղասպանության փաստին
- 22:16 17.01.2026
Բաքուն դարձավ վախի ու սարսափի քաղաք արդեն 1988 թվականի փետրվարի 26-29 -ից հետո, երբ խորհրդային բազմազգ Սումգայիթում կազմակերպեցին և իրականացրին հայության ցեղասպանություն։
Հայակերտ Բաքուն հայությունից վերջնական դատարկվեց մինչև 1990 թվականի հունվարի 19-ը։ Հունվարի 11-19֊ը համակարգված հայասպանության գագաթնակետն էր։
Գեներալ Լեբեդը կվկայի, որ գրանցվել է նաև մարդակերություն։
Մինչ օրս հայկական երրորդ հանրապետությունը պետական մակարդակով չի տվել գնահատական Բաքվում հայության ցեղասպանության փաստին։
Դա նախ և առաջ պետության մակարդակով դիվանագիտական ու ռազմաքաղաքական հրաժարում է կանխելու, կանխարգելելու հայության դեմ տարվող ցեղասպանության ընթացքը։ Ողջ 2020-2023 թվականները դրա վկայությունն են։
Այսօր մենք բարձրացանք Ծիծեռնակաբերդի բարձունք, այցելեցինք երեք խաչքարերին։
