Թրամփը Խամենեիի մասին. Շնորհակալություն 800 մարդու չկախելու համար, բայց նոր կառավարություն է պետք
- 22:42 17.01.2026
ԱՄՆ նախագահ Դոնալդ Թրամփը կոչ է արել Իրանում նոր ղեկավարությում փնտրել և մեղադրել է այաթոլլահ Ալի Խամենեիին ցուցարարների մահվան և «երկրի կործանման» համար։ Այս մասին Օվալաձև աշխատասենյակի ղեկավարը հայտարարել է Politico-ին տված հարցազրույցում։
«Ժամանակն է Իրանում նոր ղեկավարություն փնտրել», – ասել է Թրամփը հրատարակության լրագրողների հետ զրույցում։ Ըստ ամերիկացի նախագահի՝ Խամենեիի 37-ամյա կառավարումը աղետ է եղել երկրի համար։
«Այս մարդը հիվանդ է և պետք է ճիշտ ղեկավարի իր երկիրը և դադարեցնի մարդկանց սպանելը։ Իր վատ ղեկավարության պատճառով նրա երկիրը աշխարհի ամենավատ վայրն է ապրելու համար», – ասել է ԱՄՆ նախագահը։
«Նա (Խամենեին – խմբ.) իր կյանքում կայացրել է լավագույն որոշումը՝ երկու օր առաջ 800-ից ավելի մարդկանց կախաղան չհանելն էր», – շաբաթ օրը ասել է Թրամփը՝ պատասխանելով Իրանում ԱՄՆ-ի հնարավոր ռազմական գործողության մասշտաբի մասին հարցին։
Շաբաթ օրը Իրանի գերագույն առաջնորդ այաթոլլա Ալի Խամենեին իր ելույթում խոստովանեց, որ վերջին բողոքի ցույցերի ժամանակ հազարավոր մարդիկ են զոհվել և մեղադրեց Միացյալ Նահանգներին նրանց մահվան համար։
«Իսրայելի և Միացյալ Նահանգների հետ կապված անձինք հսկայական վնաս են պատճառել և սպանել են մի քանի հազար մարդու», – ասաց նա՝ հավելելով, որ ցուցարարները հրդեհել են շենքեր, ոչնչացրել հանրային սեփականություն և ավերածություններ են առաջացրել։
«Մենք ԱՄՆ նախագահին համարում ենք հանցագործ [պատասխանատու] զոհերի, վնասի և Իրանի ժողովրդի դեմ ուղղված զրպարտության համար», – ասաց Խամենեին՝ ըստ իրանական պետական լրատվամիջոցների։