Բաքուն չի ներկայացնել փաստաթուղթ, որը կհաստատի «Արցախի և Նախիջևանի պատկանելությունը Ադրբեջանին»

ԱՄՆ պետքարտուղար Մարկո Ռուբիոն այսօր հեռախոսազրույց է ունեցել Ադրբեջանի արտաքին գործերի նախարար Ջեյհուն Բայրամովի հետ:

Ըստ պետդեպարտամենտի հաղորդագրության՝ պետքարտուղար Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները որպես կարևոր քայլ, որը ինչպես նշվում է հաղորդագրությունում, «ցույց է տալիս Ադրբեջանի հանձնառությունը Հայաստանի և Ադրբեջանի միջև 2025 թվականի օգոստոսի 8-ին Սպիտակ տանը նախագահ Թրամփի կողմից առաջ մղած պատմական խաղաղության համաձայնագրին»:

Ադրբեջանի արտաքին գործերի նախարարության մամուլի ծառայության հաղորդմամբ, հեռախոսազրույցի ընթացքում քննարկվել են Ադրբեջանի և ԱՄՆ-ի միջև երկկողմ համագործակցության ներկա վիճակը և զարգացման հեռանկարները, ինչպես նաև տարածաշրջանային իրավիճակը և Ադրբեջան-Հայաստան հարաբերությունների կարգավորման գործընթացը:

«Ընդգծվեց «TRIPP»-ի իրականացման ուղղությամբ տարվող աշխատանքի կարևորությունը», – ասված է հաղորդագրությունում:

Հիշեցնենք, որ որոշ ժամանակ առաջ Բաքուն ԱՄՆ Կոնգրեսի կողմից «Ազատության մասին» 907-րդ բանաձևից հրաժարվելը ներկայացրեց որպես Հայաստանի հետ նախաստորագրված համաձայնագրի ստորագրման պայման։ Բանաձևն ընդունվել է 1992 թվականին և գործում է մինչև Արցախի և Հայաստանի դեմ շրջափակման և ագրեսիվ գործողությունների վերացումը։

ԱՄՆ Կոնգրեսում նորերս ներկայացվել է 907-րդ բաժինը չեղարկելու մասին բանաձև, սակայն Կոնգրեսի հայկական խմբակցությունը ներկայացրել է մի շարք այլ բանաձևերի նախագծեր, որոնք հստակորեն նշում են, որ Բաքուն չի դադարեցրել իր ագրեսիվ գործողությունները Արցախի և Հայաստանի դեմ։ Մասնավորապես, բանաձևերի նախագծերում նշվում է ամբողջ հայ բնակչության տեղահանությունը, ռազմագերիների գոյությունը և Արցախի քրիստոնեական ժառանգության ոչնչացումն ու յուրացումը։

Արդյո՞ք Ռուբիոն և Բայրամովը անդրադարձել են այս հարցին։ Չնայած ագրեսիային, Արցախի օկուպացիային և բնիկ բնակչության տեղահանությանը, Բաքուն մինչ օրս չի կարող ներկայացնել որևէ փաստաթուղթ, որը կհաստատի «Արցախի և Նախիջևանի պատկանելությունը Ադրբեջանին»։

Չնայած Ալիևի կողմից «ուժի իրավունքի» մասին հղումներին, պարզ է, որ Բաքուն չի կարող օրինականացնել այն, ինչ նվաճել է ուժով։ 907-րդ բաժնի գոյությունը ևս մեկ ապացույց է այն բանի, որ Բաքուն կարճ կապանքի տակ է պահվում։ Եվ այն փաստը, որ աշխարհի ոչ մի երկիր, ոչ մի միջազգային կազմակերպություն դեռևս «կոչ չի արել» Հայաստանին հրաժարվել Անկախության հռչակագրից և Հայաստանի ու Արցախի վերամիավորման մասին 1989 թվականի բանաձևից, վկայում է այս ակտրիի անթերիության և աունդամենտալ նշանակության մասին։