Փաշինյանն ու Օրբանը ընդունել են ԱՄՆ նախագահի առաջարկը՝ միանալ Խաղաղության խորհրդին
- 11:14 20.01.2026
Վարչապետ Նիկոլ Փաշինյանը ստացել է ԱՄՆ նախագահ Դոնալդ Թրամփի պաշտոնական հրավերը՝ Խաղաղության խորհրդին որպես հիմնադիր անդամ միանալու վերաբերյալ։ Այս մասին Facebook–ի իր էջում գրել է վարչապետի մամուլի խոսնակ Նազելի Բաղդասարյանը։
«Վարչապետ Փաշինյանը սիրով և պատասխանատվությամբ ընդունել է առաջարկը՝ վերահաստատելով Հայաստանի հանձնառությունը խաղաղության առաջմղմանը»,– հավելել է նա։
Դիվանագետների խոսքով՝ մինչ այդ միայն Հունգարիան, որի առաջնորդը Թրամփի մտերիմ դաշնակիցն է, անվերապահորեն ընդունել է հրավերները, որոնք ուղարկվել են մոտ 60 երկրների։
Ռոյթերսը հաղորդում է, որ դիվանագետները կարծում են, որ այս ծրագիրը կարող է վնասել Միավորված Ազգերի Կազմակերպության աշխատանքին։