Եթե Ռուսաստանը և Ուկրաինան չպայմանավորվեն մինչև մայիսի 15-ը, ԱՄՆ-ը դուրս կգա բանակցություններից
- 18:29 27.01.2026
Վաշինգտոնը վերջնաժամկետ է սահմանել Ուկրաինայում պատերազմի վերաբերյալ խաղաղ բանակցությունների համար: Պատգամավոր Ալեքսեյ Գոնչարենկոյի խոսքով՝ ԱՄՆ-ն կոնկրետ արդյունք է ակնկալում մինչև մայիսի 15-ը. դրանից հետո ամերիկյան կողմը կարող է ամբողջությամբ դուրս գալ բանակցային գործընթացից: Գոնչարենկոն՝ աղբյուրներին հղում անելով պնդում է․ Վաշինգտոնը հստակեցրել է, որ եթե կողմերը չկարողանան հասնել իրական համաձայնությունների մինչև մայիսի կեսերը, խաղաղ բանակցությունները կհանվեն օրակարգից։
Միացյալ Նահանգները պատրաստ է Ուկրաինային տրամադրել անվտանգության երաշխիքներ պատերազմից հետո, եթե Կիևը խաղաղության համաձայնագրի շրջանակներում դուրս բերի իր զորքերը Դոնեցկի մարզից: Այս մասին հայտնել է Financial Times-ը՝ հղում անելով ներքին տեղեկություններին: