Դատաստանի օրվա ժամացույց. միջուկային ապոկալիպսիսը շատ մոտ է

Խորհրդանշական «Ահեղ դատաստանի ժամացույցի» սլաքները ևս չորս վայրկյան առաջ են տարվել՝ կանգ առնելով 23:58:35-ի վրա, կամ մինչև  «միջուկային կեսգիշեր» 85 վայրկյան առաջ։ Այս մասին երեքշաբթի՝ հունվարի 27-ին, հայտնել է ամերիկյան «Bulletin of the Atomic Scientists» ամսագիրը, որը գրեթե 80 տարի է, ինչ իրականացնում է այս նախագիծը։

«Գիտնականները եզրակացրել են, որ մինչև 2025 թվականը մարդկությունը էական առաջընթաց չի գրանցել գոյաբանական ռիսկերի հաղթահարման գործում», – հայտարարել է ամսագրի տնօրեն Ալեքսանդրա Բելը։ Նրա խոսքով՝ ռիսկերը շարունակում են աճել, իսկ միջազգային համագործակցությունը թուլանում է։ «Մենք ժամանակ չունենք», – ընդգծել է Բելը։

23:58:35-ը  նախագծի մեկնարկից ի վեր ամենավատ ցուցանիշն է։ 2023 թվականին «Ահեղ դատաստանի ժամացույցը» տարվել է կեսգիշերից 90 վայրկյան առաջ՝ Ուկրաինայում պատերազմի հնարավոր միջուկային սրման սպառնալիքի պատճառով, իսկ 2025 թվականին՝ ևս մեկ վայրկյան առաջ։