Սիրվարդ Մարգարյանի «Իմ աղոթարան» գրքի շնորհանդեսը․ հաճելի մթնոլորտ

Հունվարի 27-ին «Նարեկացի» արվեստի միությունում կազմակերպվել է արցախցի գրող, լրագրող, հասարակական գործիչ, պահեստազորի ավագ սպա Սիրվարդ Մարգարյանի 65-ամյակին նվիրված հեղինակային-հոբելյանական միջոցառում։ Հանդիսավոր երեկոյի ընթացքում կայացել է նաև հեղինակի թվով 15-րդ՝ «Իմ աղոթարան» գրքի շնորհանդեսը, ինչպես նաև «Տարիներս մնացին լեռներում» (ռեժիսոր՝ Սամվել Թադևոսյան) վավերագրական ֆիլմի ցուցադրությունը։

Միջոցառումն անցել է հետաքրքիր և հաճելի մթնոլորտում։ Ներկաները մեծ բավականություն են ստացել արցախահունչ երգ ու երաժշտությունից, վայելել Արցախին ձոնված հրաշալի տողեր։

Հնչել են բազմաթիվ շնորհավորանքի ու մաղթանքների խոսքեր։ Միջոցառման մասնակիցները համոզմունք են հայտնել, որ հեղինակը նույն ոգով կշարունակի իր նվիրական գործունեությունը և նրա մտքի ու գրչի ընթացքն էլ ավելի  հասատատակամ ու բեղմանվոր կլինի։

Գրքի հեղինակնն իր խոսքում շնորհակալություն է հայտնել ներկաներին՝ միջոցառմանը մասնակցելու, իր աշխատանքը գնահատելու համար և հույս է հայտնել, որ նոր գրքերով կշարունակի ուրախացնել ընթերցողներին։