Թրամփի վարչակազմը Իրանի խնդրանքով բանակցությունները Թուրքիայից տեղափոխել է Օման

Ըստ ամերիկյան Axios-ի՝ ԱՄՆ-ի և Իրանի միջև բանակցությունները կարող են տեղի ունենալ ուրբաթ օրը Օմանում: Լրատվամիջոցի փոխանցմամբ՝ Թրամփի վարչակազմը համաձայնել է Իրանի խնդրանքին՝ բանակցությունները Թուրքիայից տեղափոխելու վերաբերյալ:

Reutersի աղբյուրների փոխանցմամբ՝ Իրանը պահանջել է, որ այս շաբաթ ԱՄՆ-ի հետ բանակցությունները տեղի ունենան Օմանում, այլ ոչ թե Թուրքիայում, և, որ միայն միջուկային հարցերի շուրջ երկկողմանի բանակցություններ լինեն:

Ավելի վաղ լրատվամիջոցների հաղորդմամբ Իրանի արտգործնախարարն ու ԱՄՆ նախագահի հատուկ բանագնաց Սթիվ Ուիթքոֆը ուրբաթ օրը կհանդիպեն Ստամբուլում՝ բանակցելու Իրանի միջուկային ծրագրի շուրջ: