Օդի ջերմաստիճանը կնվազի 5-7 աստիճանով, մի քանի օրից կրկին կբարձրանա

Հիդրոօդերևութաբանության և մոնիթորինգի կենտրոնի տվյալներով՝ օդերևութաբանները կանխատեսում են օդի ջերմաստիճանի անկում ամբողջ Հայաստանում։

Նշվում է, որ փետրվարի 4-ին շրջանների մեծ մասում սպասվում են տեղումներ, նախալեռներում և հովիտներում՝ ձյուն։

Ջերմաստիճանը կնվազի 5-7 աստիճանով, իսկ երկու օր անց նույնքան կբարձրանա։

Փետրվարի 4-ին Շիրակում ջերմաստիճանը կլինի -1°C, Կոտայքում և Լոռիում՝ +4°C, Գեղարքունիքում՝ 0°C, Տավուշում՝ +8°C, իսկ Արագածոտնում +5°C։ Արարատում, Արմավիրում և Վայոց ձորում ջերմաստիճանը կլինի +7°C, իսկ Սյունիքում՝ +9°C։

Տեղումներ են սպասվում նաև Երևանում, մայրաքաղաքում ջերմաստիճանը կհասնի +5°C-ի։