Ռուսաստանն այլևս չի մեղադրում ԱՄՆ-ին՝ Հայաստանը ռուսներից “պոկելու” մեջ

Ռուսաստանը գիտի Մոսկվայի հետ կապերը պահպանելու Հայաստանի պատրաստակամության մասին, սակայն Եվրամիությունում ոչ բոլորի սրտով է դա. ԵՄ-ն ակտիվորեն գործում է հակառակ ուղղություններով, հայտարարել է ՌԴ արտգործնախարար Սերգեյ Լավրովը:

«Մենք (Հայաստանի) ղեկավարությունից լսում ենք հայտարարություններ՝ Ռուսաստանի Դաշնության հետ կապերի և համագործակցության ներկա մակարդակը պահպանելու շահագրգռվածության մասին, մյուս կողմից տեսնում ենք, թե ինչպես արտատարածաշրջանային երկրներից ոչ բոլորի սրտով է դա։ Եվրամիության մեր գործընկերները խիստ ակտիվորեն գործում են հակառակ ուղղություններով», – ասել է Լավրովը Հայաստանի Հանրապետության Ազգային ժողովի նախագահ Ալեն Սիմոնյանի հետ հանդիպմանը:

Նկատենք, որ Ռուսաստանը դադարեցրել է ենթադրական Արևմուտքին մեղադրել Հայաստանը Ռուսաստանից «պոկելու» փորձի մեջ և այժմ խոսում է միայն Եվրամիության մասին՝ առանց Միացյալ Նահանգների հիշատակման։