Դա բան չի փոխում. Թորոսյանը` ԼՂ-ից բռնի տեղահանվածի փոխարեն տեղափոխված ձևակերպումը օգտագործելու մասին

Պատասխանելով Factor.am-ի արցախցիներիմասին հարցերին, ՀՀ աշխատանքի և սոցիալական հարցերի նախարար Արսեն Թորոսյանը նշել է․ “25 հազարից ավել Ղարաբաղից տեղափոխված մեր հայրենակիցներն ունեն ֆորմալ զբաղվածություն, տասնյակ հազարավոր քաղաքացիներ օգտվում են նաև սոցիալական ծրագրերից՝ թե 30 հազ․, թե 40 + 10 հազ․ դրամի չափով։ Նաև ունենք զբազվածության ծրագրեր, որոնք ընթացքում են։ Բացի այդ, մոտ 2000 ընտանիք արդեն իրացրել են իրենց բնակարանային սերտիֆիկատները”։

Ինչ վերաբերվում է նորերս Արցախից տեղահանված 10 քաղաքացիներին, Արսեն Թորոսյանն ասաց, որ զբաղվում են նրանց հարցերով, և հրապարակայնությունը այստեղ ավելորդ է։ Բոլորը մեր հոգածության կենտրոններում են, ասել է նա։

“Կա՞ որոշում, որ արցախցիներին այլևս չասել “բռնի տեղահանվածներ”, այլ տեղափոխվածներ”՝ Factor. am-ի հարցին Արսեն Թորոսյանը պատասխանել է․ “Ես չեմ կարծում, որ իրենց կյանքում դա ինչ-որ բան փոխում է”։