Ալեն Սիմոնյան․ Գերիների հարցով հրապարակային չենք խոսում

«Շնորհավորում եմ բոլորիս՝ ձեռք բերված պայմանավորվածությունների, պատմական այցի եւ այն հնարավորությունների համար, որոնք Հայաստանի համար բացվեցին։ Պետք է ընդգծեմ ՀՀ անվտանգության մակադրակի ընդհանուր բարձրացումը եւ այն օրակարգի, որը մենք ի կատար ենք ածում, այսինքն՝ խաղաղության օրակարգը, որը մեկ տարվա, երկու տարվա չէ, այլ տասնամյկաներիի է, եթե ոչ՝ հարյուրամայակների»,- Ազգային ժողովում լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ անդրադառնալով ԱՄՆ փոխնախագահ Ջեյ Դի Վենսի կատարած այցին Հայաստան։

Հարցին, թե հայ գերիների վերադարձի հարցում շոշափելի արդյունք կա՞, Ալեն Սիմոնյանը պատասխանեց․ «Հաճախ դուք ինձ այդ հարցը տալիս եք, մենք ասում ենք, որ հրապարակային այդ մասին չենք խոսում։ Այդ ասածից հետո ինչ-որ քանակությամբ մարդիկ վերադառնում են ՀՀ։ Որեւիցե բան այդ մարտավարության մեջ չի փոխվել, մշտապես խոսվում է թե գերիների մասին, թե անհայտ կորածների ճակատագրի, թե բոլոր այլ խնդիրների մասին։ Պետք է ասեմ, որ շատ դրական ենք գնահատում այն աշխատաոճը, որը երկուստեք որդեգրել ենք Ադրբեջանի հետ։ Կարծում եմ՝ եթե այս ճանապարհով շարունակենք առաջ ընթանալ, մեր երկու երկրներն այլեւս մոտ ապագայում որեւէ խնդիր չեն ունենա»։