Հիմա էլ պարզվում է՝ խնդիրը Էջմիածնի գանձերն են, որը ուզում է յուրացնել Սփյուռքը

Ես թույլ չեմ տալու կաթողիկոսությունը Հայաստանից դուրս տանել՝ Էջմիածնի գանձերի հետ միասին։ Այս մասին այսօր ճեպազրույցում ասել է վարչապետ Նիկոլ Փաշինյանը։

«Հայաստանից դուրս Եպիսկոպոսաց ժողով հրավիրելու նախաձեռնությունը ՀԱԵ Կաթողիկոսությունը ՀՀ-ից դուրս հանելն ու որոշ ուժերի ձեռքում մարիոնետային Կաթողիկոսության հանգամանքն ուժեղացնելն ու որպես ՀՀ-ի դեմ գործիք օգտագործելն է»,– ասել է Նիկոլ Փաշինյանը։

Նա նաեւ սպառնացել է սփյուռքի ներկայացուցիչներին. «Շատ կոշտ հակազդեցություն է լինելու, Էջմիածնի գանձերի վրա աչք դրածների հայացքն ուղղելու է այլ կողմ»։

Եկեղեցու դեմ արշավը Նիկոլ Փաշինյանը պայմանավորվել է սկզբից Կաթողիկոսի զավակի առկայությամբ, իսկ Փաշինյանի կինը՝ Շվեյցարիայում կայացած Արցախում մնացած ժառանգության մասին համաժողովով (ի՞նչ էիք ուզում փրկել Շվեյցարիայում, գրել է Աննա Հակոբյանը), այնուհետ՝ Կաթողիկոսի եղբոր՝ ԿԳԲ-ի գործակալ լինելով, իսկ վերջերս՝ որոշ երկրներից Եկեղեցու միջոցով Հայաստանն եկած փողերով, որը իբրև պետք է օգտագործվի քաղաքական նպատակներով։ Այսօր պարզվել է, որ Սփյուռքը ուզում է ռեղափոխել Էջմիածնից Կաթողիկոսությունը՝ գանձերով հանդերձ։