Եթե մեզ չընտրեք, անկախություն էլ չի լինելու․ Պապոյան
- 23:45 16.02.2026
Gevorg Papoyan / Գևորգ Պապոյան
Պետք է հստակ գիտակցենք՝ այսօր դեռ հնարավոր է խաղաղության անիվը հետ պտտել։ Բայց եթե մենք ընտրվենք և առաջիկա 1-2 տարիների ընթացքում ավարտենք հիմնական գործընթացները, հնգամյա ծրագրի արդյունքում ամբողջ համակարգը վերջնականապես կայանա, հետո արդեն ոչ ոք չի կարողանա այն հետ պտտել։ Նույնիսկ եթե մենք իշխանության մեջ չլինենք։
Շատ ուղիղ եմ ասում․ եթե հունիսի 7-ին մենք չընտրվենք, TRIPP չի լինելու։ Խաղաղություն չի լինելու։ Արհեստական բանականության կենտրոն չի լինելու։ 4 միլիարդ դոլարի ներդրումներ չեն լինելու։ Ժողովո՛ւրդ ջան, անկախություն էլ չի լինելու․ շարունակելու ենք կախված մնալ և սպասել, թե ուրիշ որևէ երկիր մեզ բարեհաճի թույլ տալ իր շուկայում, թեկուզ բացօթյա շուկայում, վաճառել մեր ծիրանը կամ լոլիկը։
Սա ՀՀ էկոնոմիկայի նախարարի խոսքերն են, որը Քաղաքացիական պայմանագրի ներքին ընտրություններում զբաղեցրել է երրորդ տեղը։ Այսպիսին է լինելու կուսակցության նախընտրական քարոզչությունը, որի տրամաբանական շարունակությունն է՝ եթե մեզ չընտրեք, մենք ամեն ինչ կանենք, որ անկախություն չլինի։