«Որպեսզի չմոռանանք և հավատանք». Մարտակերտցի վարպետը փայտի մեջ պահպանում է Արցախի խորհրդանիշները

«Իմ աշխատանքները նախատեսված են մարդկանց հիշեցնելու չմոռանալու մասին, խրախուսելու նրանց հավատալ, որ կլինեն հաղթանակներ և վերադարձ», – ասում է Մարտակերտից Մարատ Ղուլյանը։

Իր աշխատանքներում նա վերստեղծում է Արցախի խորհրդանիշները՝ ձգտելով հնարավորինս ճշգրիտ պահպանել բնօրինակները։ Մասնավորապես, նկարիչը պատրաստում է Ադրբեջանի կողմից ավերված արցախյան քաղաքների մուտքի ցուցանակների կրկնօրինակներ, ինչպես նաև արցախյան թեմատիկայով տարբեր հուշանվերներ։

Մարատը փայտագործությամբ է զբաղվում գրեթե տասը տարի։ Արցախում գտնվելու ժամանակ նա և իր եղբայրները փայտը ավելի շատ հոգու համար էին մշակում, իսկ տեղահանունից հետո այս արհեստը վերածվել է փոքր բիզնեսի, որը օգնում է մասամբ լուծել ընտանիքի սոցիալական խնդիրները։

Աշխատանքները կարելի է ձեռք բերել ցուցահանդեսներում, տոնավաճառներում և փառատոներում, ինչպես նաև կարելի է պատվիրել առցանց։

Ալվարդ Գրիգորյան