Բուժաշխատողնորին կրկին դեպի կոռուպցիա են մղում

Փետրվարի 23-ին Երևանում՝ Հայաստանի Ազգային ժողովի շենքի դիմաց, տեղի է ունեցել բժիշկների բողոքի ակցիա։

Նրանք, մասնավորապես, խնդրել են անցկացնել խորհրդարանական լսումներ՝ համընդհանուր պարտադիր բժշկական ապահովագրության համակարգում առկա բացերի ու ռիսկերի վերաբերյալ։

Ակցիայի կազմակերպիչ, բժիշկ Գևորգ Գրիգորյանը պարզաբանել է, որ «պահանջը դա է, որպեսզի փոխեն վճարման կարգը, փոփոխեն նվազագույն շեմը, վերահաշվարկեն բուժաշխատողի վարձատրման մեխանիզմը և թող աշխատի ապահովագրման համակարգը»։

«Առողջության իրավունք» հասարակական կազմակերպության համահիմնադիր Անուշ Պողոսյանը հայտարարել է, որ առողջապահության համընդհանուր ապահովագրության համակարգի ներդրումից հետո բժիշկներն իրենց աշխատավարձերը ստացել են ոչ միայն ուշացումով, այլև զգալիորեն պակաս չափով։ Այսպիսով, ըստ նրա, տարբեր բժշկական հաստատությունների աշխատակիցների աշխատավարձերը նվազել են 30%-ով։ Ընդ որում, պոլիկլինիկաներում որոշ դեպքերում այն կրճատվել է նույնիսկ 2–3 անգամ։

«Ամենաքիչը ստացել են բուժքույրերն ու մանկաբարձները», – բացատրել է Պողոսյանը։ 

Հայաստանում բուժաշխատողներն իրոք ծիծաղելի գումարներ են որպես աշխատավարձ ստանում, և այն պակասում է, պետական պաշտոնյաների բոնուսների բարձրացմանը զուգահեռ։ Մեկ նախարարի բոնուսով կարելի է մի բուժհաստատության անձնակազմի մի ամսվա աշխատավարձ վճարել։

Տպավորությունն այնպիսին է, որ բուժաշխատողներին կրկին մղումեն դեպի կոռուպցիա, դեպի “լեվի” վարձատրություն։