Զելենսկի. Չորս տարի է Պուտինը երեք օրում գրավում է Կիևը
- 12:51 24.02.2026
«Այսօր լրանում է ուղիղ չորս տարի այն բանից հետո, երբ Պուտինը հայտարարեց, որ երեք օրում կգրավի Կիևը», – հայտարարեց Ուկրաինայի նախագահ Վլադիմիր Զելենսկին՝ Ուկրաինայի դեմ Ռուսաստանի լայնածավալ պատերազմի չորրորդ տարեդարձի առթիվ։
«Եվ սա շատ բան է ասում մեր դիմադրության, այն մասին, թե ինչպես է Ուկրաինան պայքարել այս ամբողջ ընթացքում։ Այս խոսքերը շատ բան են ասում մեր միլիոնավոր մարդկանց, մեծ քաջության, քրտնաջան աշխատանքի, դիմացկունության և այն երկար ճանապարհի մասին, որն Ուկրաինան անցնում է 2022-ի փետրվարի 24-ից ի վեր», – հայտարարեց Զելենսկին։
«Մենք իրավունք ունենք ասելու. մենք պաշտպանեցինք մեր անկախությունը, մենք չկորցրեցինք մեր պետականությունը, Պուտինը չհասավ իր նպատակներին։ Նա չկոտրեց ուկրաինացի ժողովրդին, նա չհաղթեց այս պատերազմում։ Մենք պահպանեցինք Ուկրաինան և մենք ամեն ինչ կանենք խաղաղության և արդարության հասնելու համար», – հավելեց նա։