Աֆղանստանը հարվածել է Պակիստանում միջուկային օբյեկտին
- 16:34 27.02.2026
Աֆղանստանի ռազմաօդային ուժերը հարվածել են Պակիստանում գտնվող միջուկային օբյեկտին և Խայբեր-Պախտունխվա նահանգի Աբբոտաբադի մոտակայքում գտնվող ռազմական բազային, հաղորդում է աֆղանական Ariana News հեռուստաալիքը։
Ալիքը հաղորդում է «հարյուրավոր զոհվածների և վիրավորների» մասին։ Զոհերը տեղափոխվել են հիվանդանոց։
Ալիքի հաղորդմամբ՝ թիրախը միջուկային փորձարկման վայրն էր։ Հեռուստաալիքը նաև հաղորդել է Կակուլում գտնվող Պակիստանի ռազմական ակադեմիայի (ՊՌԱ) վրա հարվածի մասին։ RBC-ի փոխանցմամբ՝ սա Պակիստանի բանակի գլխավոր ուսումնական կենտրոնն է, որը պատասխանատու է սպաների վերապատրաստման և կրթության համար։
2021 թվականին «Թալիբանի» իշխանության գալուց հետո Աֆղանստանի և Պակիստանի միջև սահմանային հակամարտություններ են սկսվել։ Սահմանային գոտում զինված բախումները վերսկսվել են փետրվարի 24-ին։ Երկու օր անց աֆղանական ուժերը գործողություններ են սկսել Պակիստանի դեմ Խոստում, Պակտիայում, Նուրիստանում և մի շարք այլ տարածքներում։ Կան զոհեր երկու կողմերից էլ։