Իսրայելը կանխարգելիչ հարված է հասցրել Իրանին, Թեհրանում պայթյուններ են լսվել
- 10:40 28.02.2026
Իսրայելը կանխարգելիչ հարված է հասցրել Իրանին, հայտարարել է Իսրայելի պաշտպանության նախարարը:
«Իսրայելի պետությունը կանխարգելիչ հարված է հասցրել Իրանին, ինչը մոտ ապագայում կհանգեցնի Իսրայելի պետության դեմ հրթիռային և անօդաչու թռչող սարքերի հարվածի», – ասել է Իսրայելի պաշտպանության նախարար Իսրայել Կացը։
Կացը երկրում արտակարգ դրություն է հայտարարել։ Իսրայելի պաշտպանության ուժերը (IDF) ազդանշաններ են տվել և զգուշացրել իսրայելցիներին մնալ ապաստարանների մոտ։ Մոսկվայի ժամանակով ժամը 9:00-ի դրությամբ Իսրայելում արգելված են կրթական միջոցառումները, հավաքույթները և գրասենյակային աշխատանքները, բացառությամբ կենսականորեն կարևոր ոլորտների։
Իրանական ԶԼՄ-ների հաղորդմամբ՝ շաբաթ օրը Թեհրանում պայթյուններ են լսվել, որոնց պատճառն անհայտ է: