Սամվել Կարապետյանը կմնա տնային կալանքի տակ

Ռուսաստանաբնակ գործարար Սամվել Կարապետյանը կշարունակի մնալ տնային կալանքի տակ, այս մասին հայտնեց Կարապետյանի փաստաբան Արամ Վարդևանյանը: Հակակոռուպցիոն դատարանը երեկ վաղ առավոտից մինչև ուշ գիշեր քննում էր գործարար Սամվել Կարապետյանի տնային կալանքը ևս մեկ ամսով երկարաձգելու քննիչների միջնորդությունը։

«Մենք ունենք իրավիճակ, որ «Ուժեղ Հայաստան» կուսակցության նախագահի կողմից ընտրական գործընթացի ամենապատասխանատու փուլին, հատկապես՝ նախընտրական ցուցակների ձևավորման տեսանկյունից մենք ունենք լուրջ խնդիր: Սա քաղաքական գործընթացի, հավասարության, արդարության, մրցակցության պայմանների ապահովման տեսանկյունից լրջագույն խնդիր է: Այն, որ քաղաքական հետապնդումը կարող է վերաճել և տրանսֆորմացվել այն աստիճանի, որ ընտարական գործընթացին ուղիղ միջամտություն հանդիսանա, սա, իսկապես, կարծես նորություն է», – լրագրողների հետ զրույցում ասաց փաստաբան Արամ Վարդևանյանը՝ ընդգծելով, որ դատական ակտը կբողոքարկվի Վերաքննիչ դատարան: