Ատրպատականի ՀԱԵ թեմը դադարեցրել է եկեղեցական արարողությունները

Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները:  Հայտնում են թեմից։

«Թեմական խորհուրդը` Ատրպատականի հայոց թեմի առաջնորդ Գրիգոր արքեպիսկոպոս Չիֆթճյանի նախագահությամբ, նախազգուշական քայլեր են ձեռնարկել` դադարեցնելով Թավրիզիում և Ուրմիայում եկեղեցական արարողությունները»,– ասված է հաղորդագրությունում։

Երկու քաղաքների հայոց ազգային դպրոցները հեռավար են շարունակում դասերը։ Ազգային առաջնորդարանը շարունակում է աշխատել։ Հայ համայնքն այս փուլում վնասներ չի կրել. պայթյունների հետևանքով միայն պատուհանների ապակիներ են կոտրվել։