Որ ուժերն են Անկախության հռչակագրին կողմ. ցուցակ է կազմվում

«Քաղաքացիական պայմանագիր» կուսակցությունը միակ ուժն է, որ ասում է՝ նոր Սահմանադրության մեջ պետք է Անկախության հռչակագրին հղում չլինի», – ասել է Նիկոլ Փաշինյանը:

Փաշինյանը խոսել է ոչ թե Անկախության հռչակագրի չեղարկման, այլ դրա հղումը նոր Սահմանադրության մեջ չանելու մասին։ Սակայն դեռ որևէ քաղաքական ուժ բացահայտ չի աջացել ՔՊ-ի այս նախաձեռնությանը։

Այսօր կայացած ՀՅ Դաշնակցություն – Ռոբերտ Քոչարյան դաշինքի համաժողովի ժամանակ Իշխան Սաղաթելյանը հայտարարել է․ “Մենք գալիս ենք Անկախության հռչակագիրը պահելու”։

Նախորդ շաբաթ կայացած Հայ Ազգային կոնգրեսի համագումարի հայտարարության մեջ խոսվում է “նոր Սահմանադրության” մասին, սակայն չի հիշատակվում Անկախության հռչակագիրը։

“Հայաստանի Սահմանադրությունը խաղալիք չէ։ Անկախության հռչակագիրը մեր պետականության սկիզբն է, մեր նախնիների ինքնությունը, մեր ազատատենչ նախնիների սրբազան ուղերձը։ Սահմանադրությամբ ամրագրված մեր Անկախության հռչակագիրը նախատեսում է պատասխանատվություն սերունդների առջև։ Սահմանադրությունը չի կարող վերանայվել որևէ օտարերկրյա պետության խնդրանքով, առավել ևս այնպիսի պետության, որի հռչակած նպատակը մեր ոչնչացումն է”, ասված է Արման Թաթոյանի “Միասնության թևեր” ծրագրային հայտարարության մեջ։