Իսրայելը հայտարարեց Իրանի Անվտանգության խորհրդի քարտուղար Ալի Լարիջանիի մահվան մասին
- 16:07 17.03.2026
Իսրայելի պաշտպանության նախարար Իսրայել Կացը հայտարարել է, որ Իրանի Գերագույն ազգային անվտանգության խորհրդի քարտուղար Ալի Լարիջանին սպանվել է Իսրայելի կողմից իրականացված հարվածի արդյունքում։ Իրանը դեռևս չի հաստատել նրա մահը։
Ավելի վաղ իրանական լրատվամիջոցները հայտարարել էին, որ Լարիջանիի մասին տեղեկությունները շուտով կհրապարակվեն։
Իսրայելցի զինվորական պաշտոնյան BBC-ին հաստատել է, որ Իրանի անվտանգության խորհրդի քարտուղարը Իսրայելի պաշտպանության բանակի հարվածի թիրախ է դարձել։
Իսրայելի պաշտպանության բանակը նաև հայտնել է, որ Բասիջի հրամանատար Ղոլամրեզա Սոլեյմանին սպանվել է առանձին հարվածի արդյունքում։