ԱՄՆ-ում համոզված չեն, որ ՀՀ-ում սահմանադրական հանրաքվեն կկայանա․ իսկ Երևանո՞ւմ

Միացյալ Նահանգների հետախուզական ծառայությունը հրապարակած տարեկան զեկույցում արձանագրել է՝ Հայաստանի և Ադրբեջանի միջև խաղաղության վերջնական համաձայնագրի կնքման ճանապարհին դեռ կան խոչընդոտներ՝ ուղիղ մեջբերելով Սահմանադրությունը փոխելու՝ Ադրբեջանի պահանջը:

«Նախագահ Ալիևը շարունակում է պնդել, որ Հայաստանը պետք է փոփոխի Սահմանադրությունը՝ հեռացնելու հղումը, որը, նրա խոսքով, ենթադրում է, թե Լեռնային Ղարաբաղը Հայաստանի մաս է։ Դա կպահանջի սահմանադրական հանրաքվե Հայաստանում, որի ընդունումը երաշխավորված չէ», – ասված է զեկույցում:

Զեկույցում նշված չէ, որ Բաքվի այս պահանջը կապված է նաև Նախիջևանի հարցի հետ, իսկ Թուրքիան սրտատրոպ սպասում է, որ Հայաստանը սահմանադրությամբ հրաժարվի Կարսի պայմանագրով նրան նվիրված հայկական տարածքների հանդեպ իրավունքից։

Նիկոլ Փաշինյանը բաց տեքստով ասում է, որ եթե ընտրություններում ՔՊ-ն չընտրվի և Սահմանադրական հանևաքվեն ձախողվի, ապա պատերազմ է լինելւ աշնանը։

Սակայն նա չի ասում, թե ինչպիսի խաղաղություն է լինելու, եթե ՀՀ նոր Սահմանադրություն ընդունվի։ Արդյո՞ք նորընտիր Ազգային ժողովը կարձակվի և նոր ընտրություններ կհայտարարվեն։ Արդյո՞ք Անկախության հռչակագիրը կչեղարկվի և նոր Հանրապետություն կհռչակվի։