Պապիկյան․ ընդդիմությունը ուզում է շարունակել Ղարաբաղյան շարժումը

Պաշտպանության նախարար Սուրեն Պապիկյանն այսօր լրագրողների հետ ճեպազրույցում անդրադարձավ Նիկոլ Փաշինյանի այն հայտրարությանը, թե եթե ընդդիմությունը հաղթի ընտրություններում, սեպտեմբերին պատերազմ կլինի։

Հարցին, թե ՊՆ-ն հստակ տեղեկություններ ունի՞, որ Ադրբեջանը կարող է պատերազմ սկսել Հայաստանի դեմ, Սուրեն Պապիկյանը խատասխանեց․ «Բայց հստակ չէ՞, ընդդիմության հիմնական հատվածի հայտարարությունն այն մասին են, որ ունեն տարածքային պահանջներ հարեւան երկրների նկատմամբ, իսկ դա ենթադրում է ուղիղ պատերազմ։ Նոր բան ասելու անհրաժեշտություն այստեղ չկա։ Եթե ՀՀ վարչապետն ասում է՝ ես ղեկավարում եմ շարժում, որը չի շարունակելու Ղարաբաղյան շարժումը, ընդդիմությունից գրեթե բոլորն ասում են՝ պետք է շարունակվի, ակնհայտ է, որ նրանց ռազմատենչ կեցվածքը բերելու է պատերազմ։ Նոր բան չեմ ասում»։