Civilnet․ Գրանցված աշխատող արցախցիների 35 տոկոսը ստանում է 120,000 դրամի ցածր աշխատավարձ

Ինչպես հայտնում է civilnet-ը, մարտի 1-ի դրությամբ գրանցված աշխատող արցախցիների ավելի քան 35 տոկոսը ստանում է մինչև 120,000 դրամ աշխատավարձ։ ՍիվիլՆեթի հարցմանն ի պատասխան՝ Պետական եկամուտների կոմիտեն տրամադրել է աշխատող արցախցիների թիվն ու աշխատավարձերի չափերը։

Պետական եկամուտների կոմիտեի տվյալներով՝ 2023-ի սեպտեմբերյան բռնի տեղահանությունից մինչև 2026-ի մարտի 1-ը աշխատանքի է ընդունվել Արցախից տեղահանված 37,031 անձ, որոնցից մարտի 1-ի դրությամբ աշխատում են 24,820-ը։

2025-ի մարտի մեկի դրությամբ աշխատող արցախցիների թիվը 20,420 էր, այսինքն՝ մեկ տարվա ընթացքում աշխատողների թիվն ավելացել է 4,400-ով։

Աշխատող արցախցիների աշխատավարձի չափերն ունեն հետևյալ տեսքը.

Տոկոսային հարաբերակցությամբ՝ աշխատող արցախցիների ավելի քան 35 տոկոսը ստանում է մինչև 120,000 դրամ աշխատավարձ, 18 տոկոսը՝ 120,000-ից 180,000 դրամ, շուրջ 23 տոկոսը՝ 180,000-300,000 հազար դրամ, 15 տոկոսը՝ 300,000-500,000 դրամ, 8 տոկոսը՝ 500,000-ից ավելի։

Աշխատավարձի չափը նշվում է՝ հարկերը ներառյալ։  

Նկատենք նաև, որ արցախցիների մի զգալի մասը աշխատում է որպես տաքսու վարորդներ մեծ ագրեգատորներում, սակայն նրանց որպես աշխատող չեն գրանցում։