Ռուսաստանը հերքել է Հայաստանի երկաթուղու կոնցեսիան Ղազախստանին փոխանցելու մասին լուրերը

Ռուսաստանը չի բանակցում Հայաստանի երկաթուղիների կառավարման կոնցեսիան Ղազախստանին փոխանցելու հարցը։ Այս մասին հայտարարել է Ռուսաստանի տրանսպորտի նախարար Անդրեյ Նիկիտինը «ՌԻԱ Նովոստի»-ին տված հարցազրույցում՝ Միջազգային տրանսպորտի և լոգիստիկայի ֆորումից առաջ։

Նրա խոսքով՝ կոնցեսիայի փոխանցման հարցը չի քննարկվել ո՛չ Հայաստանի, ո՛չ էլ Ղազախստանի հետ։

«Մենք չենք պլանավորում որևէ կոնցեսիա փոխանցել, և մեր հայ գործընկերները պաշտոնական մակարդակով դա մեզ հետ չեն քննարկել», – նշել է նախարարը։