Գործարք մինչև ապրիլի 6-ը՞։ «Հիմար մարդիկ ասում են՝ «Ինչո՞ւ ես սա անում»»։
- 07:35 31.03.2026
Սպիտակ տան մամուլի քարտուղար Քերոլին Լևիթը հաստատել է ԱՄՆ նախագահ Դոնալդ Թրամփի մտադրությունը՝ Իրանի հետ համաձայնության հասնելու մինչև ապրիլի 6-ի վերջնաժամկետը։
«Ես գիտեմ, որ նախագահը վերջնաժամկետ է սահմանել ապրիլի 6-ը, որին ընդամենը մեկ շաբաթ է մնացել», – ասել է Լևիթը մամուլի ասուլիսի ժամանակ։
Թրամփը պատրաստ է ավարտել պատերազմը Մերձավոր Արևելքում՝ Հորմուզի նեղուցը թողնելով փակ նավագնացության համար և Իրանի զգալի վերահսկողության տակ, հաղորդում է The Wall Street Journal-ը՝ հղում անելով նախագահի վարչակազմի պաշտոնյաներին։
Վերջին օրերին Թրամփը և նրա օգնականները եզրակացրել են, որ նեղուցը բացելու փորձը կերկարաձգի հակամարտությունը նախատեսված չորսից վեց շաբաթից ավելի։ Պաշտոնյաների խոսքով՝ նախագահը որոշել է, որ ԱՄՆ-ն պետք է հասնի իր հիմնական նպատակներին՝ քայքայել Իրանի նավատորմը և հրթիռային պաշարները, այնուհետև կրճատել ռազմական գործողությունները, միաժամանակ դիվանագիտական ճնշում գործադրելով Թեհրանի վրա՝ ազատ առևտուրը վերսկսելու համար։
Դոնալդ Թրամփը նախկինում հայտարարել էր, որ «կնախընտրեր վերահսկողություն հաստատել [Իսլամական Հանրապետության – խմբ.] նավթի նկատմամբ», համեմատելով այս քայլը Վենեսուելայում Վաշինգտոնի գործողությունների հետ։ Սպիտակ տան ղեկավարը այս մասին խոսել է Financial Times-ին տված հարցազրույցում։
«Անկեղծ ասած, ես ամենից շատ կցանկանայի Իրանից նավթը վերցնել, բայց ԱՄՆ-ում որոշ հիմար մարդիկ ասում են. «Ինչո՞ւ ես սա անում»։ Բայց նրանք հիմար մարդիկ են», – Դոնալդ Թրամփի խոսքերն է մեջբերում FT-ն։