Մակրոնը Թրամփին ասել է, որ Հորմուզի նեղուցի ապաշրջափակումը անհնար է
- 21:48 02.04.2026
Իրանի հետ պատերազմը պահանջում է «լուրջ մոտեցում», և Հորմուզի նեղուցի բացման գաղափարները անիրագործելի են, Սեուլ կատարած այցի ժամանակ հայտարարել է Ֆրանսիայի նախագահ Էմանուել Մակրոնը, հաղորդում է France24-ը։
Ֆրանսիայի առաջնորդը ուշադրություն է հրավիրել ԱՄՆ նախագահ Դոնալդ Թրամփի պատերազմի և Իրանի միջուկային ներուժը ոչնչացնելու մասին հակասական հայտարարությունների վրա։ Նա նաև նշել է, որ «վեց ամիս առաջ մեզ ասացին, որ ամեն ինչ ոչնչացված է, ամեն ինչ կարգավորված է, և աշխատանքն ավարտված է»։
«Մենք պետք է լուրջ լինենք։ Եվ եթե ուզում եք լուրջ լինել, չպետք է ամեն օր կրկնեք նախորդ օրը ասածի հակառակը։ Եվ գուցե չպետք է ամեն օր խոսալ», – ասել է Մակրոնը։
Մակրոնը կտրուկ քննադատել է Հորմուզի նեղուցը բռնի կերպով բացելու գաղափարը, որը պարբերաբար շրջանառության մեջ է դրվում ԱՄՆ-ում։ «Սա երբեք այն տարբերակը չի եղել, որը մենք աջակցում ենք, և մենք կարծում ենք, որ այն անիրատեսական է», – հայտարարել է Ֆրանսիայի առաջնորդը։
«Սա անիրատեսական է, քանի որ այն կտևի անորոշ ժամանակ և նեղուցով անցնող բոլոր անձանց կենթարկի ափից եկող ռիսկերի ի դեմս Իսլամական հեղափոխության պահապանների կորպուսի, որն ունի անհրաժեշտ միջոցներ, ինչպես նաև բալիստիկ հրթիռներից առաջացող ռիսկերի», – բացատրել է Մակրոնը։