Անվճար իրավաբանական խորհրդատվություն արցախցիների համար՝ հրատապ հարցերով

• 23:18 03.04.2026

Անուշ Շահրամանյան с Gurgen Sogomonyan

Անվճար իրավաբանական խորհրդատվություն արցախցիների համար՝ հրատապ հարցերով!

Ի՞նչ անել, եթե ՔԿԱԳ-ն մերժել է ծննդյան վկայականի վերականգնման դիմումը:

Նոտարական կարգով ծննդյան գրանցման փաստը հաստատելու և պետական տուրքը փոխհատուցելու ի՞նչ հնարավորություններ կան և ինչպե՞ս օգտվել:

Ո՞րն է փաստաթղթերի վերականգնման ամենաարագ և արդյունավետ ճանապարհը:

Ինչպե՞ս դառնալ բնակարանային ապահովման ծրագրի շահառու, եթե անարդարացիորեն դուրս եք մնացել նախորդ աջակցության ծրագրերից:

Ինչպե՞ս ճիշտ ներկայացնել քաղաքացիության առցանց հայտը:

Սիրելի արցախցիներ, այս և այլ հրատապ իրավական հարցերի շուրջ անվճար թեմատիկ իրավաբանական խորհրդատվություն եմ կազմակերպում:

Ապրիլի 18-ին, ժամը 16:00-ին

Անի Պլազա հյուրանոց, «Գառնի» սրահ

Տեղերը խիստ սահմանափակ են: Մասնակցության համար խնդրում եմ գրանցվել նախապես՝ ուղարկելով ինձ նամակ, որտեղ անհրաժեշտ է նշել Ձեր՝

• Անուն, ազգանունը

• Հեռախոսահամարը

Այս նախագիծը «Մարդու իրավունքները փախստականների հետ և նրանց համար» ծրագրի մաս է կազմում, որն իրականացվում է Եվրոպական միության ֆինանսավորմամբ՝ Ժողովրդավարության զարգացման հիմնադրամի, Փախստականների հարցերով էստոնական խորհրդի, Commit Global-ի և «Ընդդեմ կանանց նկատմամբ բռնության» կոալիցիայի կողմից: