Ղալիբաֆ. Նոր Ջուղայի Սուրբ Մարիամ եկեղեցում անցկացվել է նահատակ Հովհաննես Սիմոնյանի հուղարկավորման կարգը
- 21:53 05.04.2026
Անցյալ շաբաթ Նոր Ջուղայի Սուրբ Մարիամ եկեղեցում տեղի է ունեցել նահատակ Հովհաննես Սիմոնյանի հանդիսավոր հուղարկավորությունը. նա առաջին իրանցի քրիստոնյան է, որը նահատակվել է նախորդ ամիս հայրենական պատերազմում: Այս մասին X սոցիալական ցանցում գրել է Իրանի խորհրդարանի խոսնակ Մոհամադ Բաղեր Ղալիբաֆը:
Ըստ Ղալիբաֆի, Հովհաննես Սիմոնյանը զոհվել է Սպահանի խաղաղ բնակչության նկատմամբ Իսրայելի իրականացրած դաժան ռմբակոծության հետևանքով:
«Զատկի այս օրը խնդրում եմ ձեզ աղոթել նահատակ Հովհաննես Սիմոնյանի հոգու հանգստության համար: Թող նրա ազնիվ հոգին հավերժական անդորր գտնի Հիսուս Քրիստոսի սիրառատ գրկում: Նրա անձնազոհությունը մեր հայրենիքի պաշտպանության գործում բոլոր իրանցիների միասնության վկայությունն է»,- նշել է Իրանի խորհրդարանի խոսնակը: