Պուտինը և Փաշինյանը համաձայնության եկան՞. Սամվել Կարապետյանի կուսակցությունը կհեռացնեն ընտրություններից

Ընտրություններից երկու ամիս առաջ իշխող «Քաղաքացիական պայմանագիր» կուսակցությունը շտապ կարգով խորհրդարան ներկայացրեց Ընտրական օրենսգրքի փոփոխությունների նախագիծ, որը կարող է արմատապես փոխել նախընտրական դաշտը: Եթե փոփոխությունները ընդունվեն, Սամվել Կարապետյանի «Ուժեղ Հայաստան» կուսակցությունը կհեռացվի ընտրապայքարից։

Խորհրդարանն այս պահին քննարկում է ԸՕ-ում փոփոխություններ և լրացումներ կատարելու մասին հարցը: «Քաղաքացիական պայմանագրի» պատգամավորներն առաջարկում են սահմանել, որ կուսակցությունների դաշինքի անվանումը չի կարող պարունակել անձնանուն, պետական և տեղական ինքնակառավարման մարմինների անուններ կամ դրանց շփոթելու աստիճան նման անվանումներ կամ դրանց հոլովաձևեր, ինչպես նաև վիրավորական կամ զրպարտչական բնույթի բառեր կամ այլ արտահայտություններ։

Սամվել Կարապետյանն արդեն կոչ է արել մարդկանց գալ Ազգային ժողով։ Նա ասում է, որ ժողովրդից փորձում են գողանալ ընտրությունը։

Նշենք, որ փոփոխությունները խորհրդարան են ներկայացվել Նիկոլ Փաշինյանի Մոսկվա կատարած այցից և Պուտինի հետ հանդիպումից հետո: Չնայած հանդիպման հակասական տոնին՝ Փաշինյանը, ինչպես և սպասվում էր, ստացավ Ռուսաստանի հավանությունը վերընտրվելու համար: Սակայն վերընտրվելու համար նա պետք է դուրս մղի ուժեղ մրցակցի, որը «կասկածելի» կապեր ունի ամերիկյան աջերի հետ։