Իրանում զինադադարի մանրամասներ․ Չինաստան, Իսրայել և Թրամփի զայրույթ

Չինաստանի Ժողովրդական Հանրապետությունը ուղղակիորեն կապ է հաստատել Իրանի հետ՝ համոզելու Թեհրանին ժամանակավոր հրադադարի համաձայնության գալ ԱՄՆ-ի հետ։ Այսպիսի պնդմամբ հանդես է եկել Associated Press գործակալությունը։

Պեկինը, ինչպես գրում է գործակալությունը, սկզբում փորձել է գործել միջնորդների միջոցով, ներառյալ Իսլամաբադը, Անկարան և Կահիրը։

ԱՄՆ-ի փոխնախագահ Ջեյ Դի Վենսը, նախագահի հատուկ բանագնաց Սթիվ Ուիթքոֆը և Սպիտակ տան ղեկավարի փեսա Ջարեդ Քուշները, ինչպես ակնկալվում է, կմասնակցեն Իրանի հետ խաղաղ բանակցություններին, որոնց անցկացումը նախատեսվում է Իսլամաբադում ապրիլի 10-ից։

«CNN World News-ում հրապարակված ենթադրյալ (Իրանի ազգային անվտանգության բարձրագույն խորհրդի կողմից ԱՄՆ-ի նկատմամբ հաղթանակի վերաբերյալ) հայտարարությունը խարդախություն է, ինչը CNN-ին լավ հայտնի է», — գրել է նա։ Նրա խոսքով՝ հայտարարությունը կապված է «Նիգերիայից ֆեյք նորությունների կայքի հետ»։

«Թշնամին կրել է անվիճելի, պատմական և ջախջախիչ պարտություն իր վախկոտ, անօրինական և հանցավոր պատերազմում իրանական ժողովրդի դեմ։ Իրանը տարել է մեծ հաղթանակ և ստիպել է հանցավոր Ամերիկային ընդունել իր 10 կետից բաղկացած ծրագիրը», — փոխանցում է ԱԽ-ի հայտարարությունը Tasnim գործակալությունը իր Telegram ալիքում։

Իսրայելը երկշաբաթյա հրադադարի համաձայնագրի մասնակից է, որը ԱՄՆ նախագահ Դոնալդ Թրամփը հայտարարած ժամկետից ընդամենը մեկուկես ժամ առաջ, որի ընթացքում Իրանը պետք է վերաբացի Հորմուզի նեղուցը կամ բախվի քաղաքացիական ենթակառուցվածքների վրա ռազմական հարձակումներին, CNN-ին ասել է Սպիտակ տան բարձրաստիճան պաշտոնյան։

Իսրայելի պաշտոնյաները մտահոգված են ԱՄՆ-ի և Իրանի միջև հասած ժամանակավոր հրադադարի համաձայնագրով։ Այդ մասին ապրիլի 8-ին հաղորդել է CNN հեռուստաալիքը՝ հղում անելով Իսրայելի աղբյուրին, որը ծանոթ է իրավիճակին։

Իսրայելի ռազմաօդային ուժերը շարունակում են հարվածներ հասցնել Իրանին՝ չնայած հրադադարի մասին հայտարարությանը։ Այդ մասին հաղորդում է The Times of Israel պարբերականը՝ հղում անելով անվտանգության ծառայությունների ներկայացուցչին։

Բացի այդ, ինչպես նշում է պարբերականը, իսրայելական գործողությունների դադարեցման նշաններ չկան նաև լիբանանյան շիա «Հեզբոլլահ» շարժման դեմ, թեև Պակիստանի վարչապետ Շահբազ Շարիֆը ավելի վաղ հայտարարել էր, որ հրադադարը «անմիջապես ուժի մեջ է մտնում» և պետք է գործի «ներառյալ Լիբանանում և ամենուր»։