Լիբանանի վրա Իսրայելի հարվածից հետո Իրանը փակել է Հորմուզի նեղուցը

ԱՄՆ-ի և Իրանի կողմից երկշաբաթյա զինադադարի մասին հայտարարությունից անմիջապես հետո քաղաքական գործիչներն ու փորձագետները հայտարարեցին, որ Իսրայելի բացակայությունը բանակցությունների սեղանից Նեթանյահուի անտեսման նշան չէր, այլ Իսրայելին ազատ թողնելու փորձ՝ հրադադարը խափանելու համար: Եվ Իսրայելը անմիջապես սկսեց դա անել։

Իրանը կասեցրեց նավթատար նավերի անցումը Հորմուզի նեղուցով՝ Լիբանանի վրա Իսրայելի հարվածների պատճառով, հաղորդում է Fars լրատվական գործակալությունը։

Ապրիլի 8-ի առավոտյան, ԱՄՆ-ի և Իրանի միջև հրադադարի համաձայնագրի կնքումից հետո, Թեհրանը թույլ տվեց երկու տանկերի անցնել նեղուցով, հաղորդում է գործակալությունը։

Ռոյթերսի՝ նավագնացության ոլորտի աղբյուրներին հղումով, հաղորդել է, որ Պարսից ծոցում գտնվող մի քանի նավեր, իբր, Իրանի ռազմածովային ուժերից հաղորդագրություններ են ստացել, որոնցում ասվում էր, որ միջազգային միջանցքը մնում է փակ։

Հրադադարի մասին հայտարարությունից հետո Իսրայելի պաշտպանության ուժերը (IDF) հայտարարեցին, որ հարվածել են Լիբանանում գտնվող «Հեզբոլլահ»-ի թիրախներին: «Ալ Ջազիրան», հղում անելով Լիբանանի առողջապահության նախարարությանը, հաղորդել է հարձակման հետևանքով հարյուրավոր զոհերի մասին։

Պակիստանի վարչապետ Շահբազ Շարիֆը հաղորդել է Մերձավոր Արևելքի հակամարտության գոտու մի քանի վայրերում հրադադարի խախտման մասին և զգուշացրել, որ նման գործողությունները «խաթարում են խաղաղության գործընթացի ոգին»: Նա կոչ է արել բոլոր կողմերին պահպանել երկշաբաթյա հրադադարի պայմանները: Իսլամաբադը հանդես է գալիս որպես միջնորդ Վաշինգտոնի և Թեհրանի միջև։

Սպիտակ տան մամուլի քարտուղար Քերոլայն Լևիթը Axios-ի լրագրող Բարաք Ռավիդին ասել է, որ Լիբանանը հրադադարի համաձայնագրի մաս չի կազմել։