Օրբանը ճանաչեց Հունգարիայի ընտրություններում պարտությունը

Հունգարիայի վարչապետ Վիկտոր Օրբանը ճանաչել է Հունգարիայի խորհրդարանական ընտրություններում իր պարտությունը։ «Անկախ նրանից, թե ինչ կպատահի, մենք կծառայենք երկրին, նույնիսկ ընդդիմության մեջ», – ասել է նա իր կողմնակիցներին Բուդապեշտում կիրակի՝ ապրիլի 12-ի երեկոյան։

«Խնդիրը պարզ է. այժմ, երբ կառավարման բեռը այլևս մեր ուսերին չէ, մենք պետք է ամրապնդենք մեր սեփական հասարակությունը», – հավելել է Օրբանը։

Ընտրական հանձնաժողովը ընտրատեղամասերի 84.91%-ում ձայների հաշվարկից հետո հայտարարել է, որ ընդդիմության առաջնորդ Պետեր Մագյարը և նրա կենտրոնամետ «Տիսա» կուսակցությունը կարող են ստանալ 199 տեղերից 138-ը՝ նոր խորհրդարանի ձայների երկու երրորդից ավելին։ Ընտրողների մասնակցությունը հասել է ռեկորդային բարձրակետի՝ հասնելով 77.8%-ի ընտրատեղամասերի փակվելուց կես ժամ առաջ։

Ապրիլի 12-ին ավելի վաղ Մագյարը հայտնել էր, որ Օրբանը հեռախոսով շնորհավորել է իրեն ընտրություններում տարած հաղթանակի կապակցությամբ։ «Վարչապետ Վիկտոր Օրբանը հենց նոր զանգահարեց մեզ շնորհավորելու մեր հաղթանակի կապակցությամբ», – գրել է քաղաքական գործիչը իր X էջում։