Արցախի պահեստազորի սպաների միությունը շարունակելու է իր օրինական գործունեությունը Հայաստանի Հանրապետությունում
- 20:04 06.03.2024
Արցախի պահեստազորի սպաների միությունը մտադիր է շարունակել իր գործունեությունը Հայաստանի Հանրապետությունում։
Փետրվարին տեղի է ունեցել Միության հիմնադիր ժողովը։ Նշվել է, որ կազմակերպությունը խթանելու է Արցախի հանրապետության պահեստային սպաների շահերն ու իրավունքները։
Մարտի 4-ին կազմակերպությունը պետական գրանցում է ստացել որպես հասարակական կազմակերպություն։ Նախատեսվում է գրասենյակ բացել։
Նախագահն է Արցախի Հանրապետության Գնահատման և թեստավորման կենտրոնի նախկին տնօրեն Յուրի Քարամյանը։
Նշենք, որ 2001 թվականից Քարամյանը բազմիցս բարձրացրել է Արցախի պետական համալսարանում ռազմական ամբիոն ստեղծելու անհրաժեշտության հարցը՝ անհրաժեշտության դեպքում բանակի շարքերը համալրելու համար անհրաժեշտ է պահեստազորի սպաներ պատրաստել։ Նախագիծը մի քանի անգամ ներկայացրել է Արցախի Հանրապետության կառավարությանը։ Վերջին՝ հինգերորդ անգամը՝ 44-օրյա պատերազմից հետո՝ 2021 թվականին, և կրկին՝ ապարդյուն։
Ալվարդ Գրիգորյան
