Սեպտեմբերի 25-ի պայթյունից տուժածների ընտանիքներում երեխաներ են ծնվում. կամքի ուժը հաղթում է
- 22:31 30.03.2024
Արցախի վառելիքի պահեստում սեպտեմբերի 25-ին տեղի ունեցած ողբերգական պայթյունի հետևանքով շատերն այրվածքներ են ստացել և դեռևս բուժվում են Այրվածքաբանության ազգային կենտրոնում։
Ողբերգության զոհ է դարձել նաև Եգոր Խաչատրյանը, ով այդ սարսափելի իրադարձությունները կհիշի ողջ կյանքում։
Պայթյունի ալիքը նրան գցել է փոսը։ Երբ ուշքի եկավ, ամեն ինչ ծխի մեջ էր։ Միայն մի փոքր բացվածքի շնորհիվ նա կարողացավ դուրս գալ։ Պայթյունից թմրած Եգորը՝ ձեռքերն այրված, գլուխը չկորցրեց։ Նա նույնիսկ կարողացել է կրակից դուրս բերել այրված տղային։
Հետո մի քիչ ուշքի գալով՝ սկսեց փնտրել եղբորը, ում հետ եկել էր վառելիքի հետեւից։ Երկար փնտրտուքներից հետո նրան վերջապես հաջողվել է գտնել եղբորն այրված վիճակում եւ տեղափոխել հիվանդանոց, որտեղ կարողացել են առաջին բուժօգնություն ցուցաբերել։
Սեպտեմբերի 27-ին եղբայրները ծանր վիճակում տեղափոխվել են Սիսիան, այնտեղից էլ՝ Երևան, որտեղ վիրահատվել են։
Եգորի ձեռքերից բացի այրվել է նաև գլխի մի մասը։ Բժիշկները նրա վիճակը գնահատել են ծանր և ապաքինման հույս չէին տալիս։ Բայց Եգորի կամքի ուժի և պայքարի աղբյուրը նրա մեկամյա դուստրն էր, որին նա, անշուշտ, մտադիր չէր թողնել առանց հոր, հանուն նրա նա պայքարեց բոլոր դժվարությունների դեմ և կարողացավ հաղթել մահը:
Նա այժմ գտնվում է բավականին կայուն վիճակում և ամբուլատոր բուժում է անցնում Երևանի այրվածքների ազգային կենտրոնում։ Երևանի այրվածքների կենտրոնի, ինչպես նաև Ստեփանակերտի վերականգնողական կենտրոնի մասնագետների պրոֆեսիոնալ թիմի քրտնաջան աշխատանքի շնորհիվ պայթյունից տուժած մեր հայրենակիցներն աստիճանաբար ապաքինվում են՝ փորձելով ապրել և ստեղծագործել։
Խթանիչը՝ Ստեփանակերտի վառելիքի պահեստում տեղի ունեցած պայթյունից տուժած արցախյան ընտանիքներում երեխաների ծնունդն է։ Օրերս ողբերգությունից տոժած Արամայիս Գրիգորյանի ընտանիքում ծնվել է նրա երրորդ երեխան՝ որդին։
Միայն հուսալ կարելի է, որ նա կտեսնի ազատագրված, հայկական Արցախը։
Արսեն Աղաջանյան
