Սկսվել է իրանա-իսրայելական առաջին ուղիղ առճակատումը
- 01:20 14.04.2024
Կիրակի ապրիլի 14-ի գիշերը Իրանը պատասխան գործողություն է սկսել։
Ըստ Իսրայելի՝ Իրանը անօդաչու թռչող սարքեր է արձակել Իսրայելի թիրախների դեմ, և Իսրայելի պաշտպանության բանակը պատրաստ է հետ մղել նրանց հարձակումը։
Reuters-ը, հղում անելով Իրաքի անվտանգության ուժերի երկու աղբյուրներին, հայտնում է, որ երկրի օդային տարածքով տասնյակ անօդաչու թռչող սարքեր են թռել Իրանից դեպի Իսրայել։ Տեղեկություններ կան, որ անօդաչու սարքեր են գործարկվել ոչ միայն Իրանից, այլ նաև այլ երկրներից, օրինակ՝ Եմենից եւ Լիբանանից։
Հաղորդվում է, որ Իսրայելը պատասխան հարվածներ է հասցրել Լիբանանի թիրախներին:
Սպիտակ տան Ազգային անվտանգության խորհուրդը հայտարարել է, որ կարծում է, որ Իրանի հարձակումները Իսրայելի վրա կտևեն մի քանի ժամ: Նախագահ Ջո Բայդենն ընդհատել է իր արձակուրդը, գտնվում է Սպիտակ տանը և հետևում է, թե ինչ է կատարվում։ Վարչակազմի խոսնակը կրկնել է իր դիրքորոշումն այն մասին, որ Իսրայելի աջակցությունը Իրանի հետ առճակատմանը անսասան կլինի:
Անօդաչու թռչող սարքերի գործարկման մասին հայտնում է նաեւ իրանական Fars գործակալությունը, որը գրում է նաև, որ դրան կհաջորդի հրթիռային հարձակումը։
Իրանական մեկ այլ լրատվական գործակալություն՝ Tasnim-ը մեջբերել է Իսլամական հեղափոխության պահապանների կորպուսի հայտարարությունը: Նաև ասվում է, որ հարվածները կկատարվեն Իսրայելի ներսում, կօգտագործվեն և՛ անօդաչու սարքեր, և՛ հրթիռներ և ի պատասխան Դամասկոսում Իրանի հյուպատոսության վրա հարձակման: