«Artsakh Culture»՝ Արցախի մշակույթի և բարբառի պահպանման թվային հարթակ

Մինչ փորձագետների մի խումբ ուղիներ է փնտրում Արցախի և արցախցիների մշակույթն ու ինքնությունը պահպանելու համար, մեկ այլ խումբ սոցցանցերում տարածում է Արցախի թեման։ Artsakh Culture ֆեյսբուքյան էջը հետաքրքիր, հուզիչ նախագիծ է արցախցիների բոլոր սերունդների համար։

Նախագծի հեղինակները նշում են.

«Artsakh Culture-ը շահույթ չհետապնդող, ոչ քաղաքական թվային հարթակ է, որի առաքելությունն է պահպանել և տարածել Արցախի հարուստ մշակութային ժառանգությունը, յուրահատուկ բարբառը և ավանդույթները։ Հարթակը ստեղծվել է՝ հաշվի առնելով իրավիճակը և Արցախի մշակույթն ու բարբառը կորցնելու վտանգը»։

Լրագրող և հասարակական գործիչ Տաթև Խաչատրյանը հիացմունք հայտնեց Artsakh Culture նախագծի վերաբերյալ և կոչ արեց բաժանորդագրվել, «որ միասին հիանանք Արցախի ամենահետաքրքիր մշակույթով՝ բարբառից մինչև տեղական ուտեստներ, և հնարավորինս նպաստենք մեր արժեքների պահպանմանը»։

Ալվարդ Գրիգորյան